Galiña de Šumava

Características das galiñas de Bohemia (Šumava)

A galiña de Bohemia (Šumava) actual é unha raza de tamaño medio. Recuperouse en Chequia a partir das galiñas de Bohemia (Šumava) autóctonas orixinais durante a segunda metade do século XX. Ten moito temperamento, é tímida, cautelosa, modesta na alimentación e mais na crianza, resistente, robusta e moi activa para procurarse alimento. Presenta un rápido crecemento corporal e moi rápido crecemento das plumas nas galiñas novas. Produce moitos ovos como tamén moita carne. Ten a crista rosada, e polo tanto, é resistente abondo ás xeadas. Isto fai que as galiñas de Bohemia (Šumava) sexan axeitadas para unha crianza en semicativerio e mais para crialas en currais grandes onde as galiñas poden atopar moita comida pola súa conta.

Os galos pesan 2,9-3,6 kgs, as galiñas 2,4-3,1 kgs. As galiñas son boas poñedoras e producen máis de 180 ovos ó ano de 58 g de peso. A cor dos ovos é marrón. A carne é de excelente calidade, suculenta e tenra. É pouco frecuente que as galiñas choquen.

Tamaño do anel
galo 20 mm
galiña 18 mm

Galiñas ananas de Bohemia (Šumava)

A variedade das galiñas ananas de Bohemia (Šumava) creouse na segunda metade do século XX. Os galos pesan 1,1-1,4 kgs, as galiñas 0,9-1,2 kgs. As galiñas producen 120 ovos ó ano de 40 g de peso. As galiñas ananas de Bohemia (Šumava) consérvanse só en cor dourada cun manto negro sobre o corpo e unha cola negra.

Tamaño do anel
galo 15 mm
galiña 13 mm

Galiñas checas > Galiña de Šumava