Чешки кури

традиционални чешки раси курох


  • Насловни бок
  • История чешких курох
  • Чешка златна кура
  • Кура шумаванка
  • Вайца за вилягованє на предай
  • Контактуйце нас
  • История чешких курох

    Чешки кури то стара раса, а у историї ше можу найсц шлїди виками назад. Перши датуми ше споминаю ище у 1205. року, кед стадо чешких курох представене Валдемару II од Данскей як свадзебни дарунок на його винчаню за ческу принцезу Маргарету од Бохемиї. Чували ше у вельким чишлє фарбох, найчастейше у комбинациї златней и природней фарби. Чешки кури походза од валалских курох, a домашнї сорти курох ше обично чували на чешкей териториї до половки 19. вику. Од штредку 19. вику, тоти домашнї кури були крижани зоз увеженима расами курох, док чистим чешким куром грожело вимеранє.

    слика Чешка златна кура, кура слика Чешка златна кура, когут

    Зато, у авґусту 1913. року Карел Шкода (родзени 3. фебруара 1862. року, умар 1. мая 1927.) зоз Хавличкув Брода, оформел ято од остатку валалских курох пренайдзених у Бохемско-Моравским висинох и у реґиону Хумполеца. Карел Шкода створел два сорти – єдну од курох зоз валалу Коморовици, и другу од курох принєшених зоз фарми у валалу Чешки Шицендорф (тераз часц валалу Stříbrné Hory[Стриберни Гори]). Року 1924-1925 сорта зоз Комоповици препзната и наволана чешки златни точкасти кури, а сорта зоз Чешкого Шицендорфа - чешки яребицасти кури. Честмир Седлак (родзени 1890, умар 5. юния 1957. року) оформел популацию од остатку домашнїх курох зоз реґиону Клатови и Добриш (Dobříš). Тоти два популациї познєйше споєни до єдней. Чешки златно точкасти кури класификовани як економски битна домашня животиня 1936. року. Постояло 3.600 кури у контролованих условийох за хованє 1985. року. Чешки златни кури 1992. року уключени до чешких ґенетских ресурсох. Чешки патулясти кури створени у цеку 20-го вику.

    слика Чешка златна кура, курче слика Чешка златна кура, курче

    Кури шумаванки

    Першобутни кури шумаванки то стара сорта бегачкох зоз подножя Чешкого лєса (у Чешкей наволани Шумава). Найвироятнєйше постояло вецей реґионални варияциї чешких курох. Нажаль, першобутни кури шумаванки вимарли. Сучасна история тей сорти почала после 1945. року. За реґенерацию, вибрани кури зоз реґиону Вимперк и Кашперски Хори (Кашперски гори), хтори мали найвецей подобносци зоз ориґиналну шумаванку. Тоти кури крижани зоз даскелїма сортами курох штреднєй велькосци як цо то Роуд Айланд, Вияндот, Плимут Рок, Ню Хемпшир и познєйше зоз чешкима курами. Резултат того процесу крижаня хвильково познати як сорта шумаванка, хтора, зашлєм, дакус иншака од ориґиналней. Шумаванки ше чуваю лєм у златней фарби зоз чарнима точками по целу и чарним хвостом.

    Чешки кури > История чешких курох

    Copyright © Чешки кури, 2008-2017. Шицки права затримани. Остатнї пременки: 27. май 2017